陳靜（DaDa）和朱鑑然在下周四上映的新戲《BABY復仇記》中擔正做主角演新手父母，去年二人到日本出席東京電影節時，劇組提出一個特別任務，要求二人做半日「湊仔公」。當日DaDa與朱鑑然穿上便服到東京淺草寺遊覽兼買手信，之後劇組要二人照顧一位4歲女孩Selina，任務包括接放學及陪女孩到公園玩，二人得悉要照顧小朋友，有點無奈和緊張。而Selina的母親Yuki，事前與二人見面交流照顧囡囡的心得。
玩得投契
來到學校門口，在Yuki交託下，DaDa負責湊Selina離開。換上便服後，DaDa沿途十分盡責拖實Selina的小手到公園，又邊行邊跟對方傾偈望盡快混熟。抵達時，DaDa興奮拖着Selina走入公園，而朱鑑然就守在後方笑說：「我做佢背後嘅男人。」及後朱鑑然建議玩捉迷藏，Selina亦漸漸跟二人玩得投契。問到DaDa的感受？她說：「Selina比較慢熱，佢嚟到公園之後，慢慢開始融化，我𠵱家係一個母親嘅微笑。」
玩了大半日，三人已漸漸混熟，朱鑑然說：「我估唔到佢係咁文靜，只係幾個鐘頭時間，好開心見到佢開懷大笑。父母照顧小朋友係一生，真係唔簡單。」而DaDa表示：「佢今次係第一次面對鏡頭，雖然佢唔出聲，但我哋用咗好多小遊戲同體力，最後見到佢笑嗰吓就值得，我覺得要打動佢哋，大人要為佢哋着想諗多啲嘢。」
讚有耐性
以往沒有湊小朋友經驗，對於劇組的安排，二人異口同聲表示很難忘，DaDa說：「能夠衝破佢心中嘅防線，我覺得係幾珍貴，好似我哋要克服一啲困難。」之後二人要互相評對方表現，朱鑑然說：「我覺得DaDa係犀利，佢係有耐性。」DaDa笑說：「拍戲時我哋會接觸小朋友，我就會用啲糖果賄賂性質，但佢就身體力行同佢哋玩。」
採訪：如文