特首林鄭月娥昨日突然拋出「限罩令」，禁官員及公務員平日戴口罩，更笑言「戴咗都要即刻除返落嚟」。不少政界人士指林鄭對她的「限罩令」言論似乎沾沾自喜，但在政界眼中根本就是一場災難，除了令絕大多數買不到口罩市民覺得涼薄，連一些建制中人也不禁問林鄭「係咪儍咗」。
「當市民蟻民」
有建制中人直言，之前還想林鄭會否利用抗疫機會，幫建制在立會選舉前翻身，「𠵱家咁睇，林鄭隨時累多建制派一鑊，連藍絲票都流失」。
有政界中人指，即使林鄭覺得其「限罩令」有理由，但市民看在眼中，只覺林鄭言論涼薄，「好似話緊市民我有口罩都唔戴，你哋班蟻民搶嚟做乜」，她完全不理解市民為求一盒口罩如何捱更抵夜排隊，「呢個已經唔止離地，係完全冇同理心，真係當市民係蟻民，睇唔起民意」，如此一來只會令更多市民不滿林鄭，甚至進一步削弱市民對政府抗疫的信心，「連淺藍嘅人開始鬧林鄭做唔到嘢」。
另一政界中人更笑言，連建制陣營也對林鄭抗疫手法大有怨言。有建制中人呻，若說中央反對任何硬抗疫措施，「但澳門一直做緊，即中央唔反對，為乜林鄭唔做？」而建制在今次抗疫爭議中與林鄭保持距離，就是不想重蹈送中惡法覆轍，同時也想林鄭可以打些好牌給建制，令建制在立會選舉前爭取多些民望，「點知林鄭一路犯錯、一路唔理民意」。
該建制中人更直言，建制派隨時因今次林鄭抗疫犯錯，在9月立會選舉再敗一次。
季陶
周一、三、五刊出