香港政府抗疫工程，是一件甩漏防護衣，係人都知，防護衣唔能夠睇門面，前後都要包冚才能殺疫。林奠對前線醫護撐逆權抗爭運動，盡力照顧被黑警打到骨折爆缸的年輕人，早就眼火爆。身外物只剩返萬一個黑警的林奠，懷恨在心，趁呢鋪武肺殺到，借刀殺護，擺明要浩園逼爆。香港鬧棺材荒，成為頭條新聞，林奠冷笑一聲，咪你哋醫護激烈行動引起囉，黑衣暴徒衰囉。柒出國際，林奠就係要令HK衰過China。
陳局長姑娘（冇誠哥咁堅），知悉變態老細的武后部署，但都唔敢犯上，只有淚崩，白白浪費了一個市民渴求的外科口罩。眼淚，唔係咁流嘅，陳局長的前輩雞珍姐，忽然出山俾習總like，講到中共抗疫之偉大，雞姐不禁哽咽。唉，自從林奠哽咽「我賣咗身俾香港」之後，香港人對這種有權勢人士臉部指定的抽搐動作，沒有最反胃，只有更作嘔。雞姐忘記自己在沙士疫症的失職，陳局長想學前輩，有機會的，武肺是沙士近親，近親交配變種散播，毒性之惡，香港頂唔住失守，失守就順勢失憶。
美國以治療伊波拉的藥劑救治第一位確診者，初見曙光。一早全面封關的北韓零感染，金主席更幽默地預告，向習總送贈救災資金。一而再替主子添煩添亂的林奠，到了最危急的時候了。起來！滾！慳返CSI口罩！