【本報訊】醫護罷工第二日，病患繼續不割席支持，有癌症病人明白醫護罷工或令其治療受阻，但歸咎於政府一直堅拒封關，令疫症繼續有機會傳入香港。有本想參與罷工的心臟科醫生因要施緊急手術，終決定執勤：「緊急救命嗰啲我哋一定會做！」
患有慢性血癌的羅先生（圖）昨早到瑪麗醫院覆診，他說：「如果醫護罷工我死梗，我要長期輸血。」幸罷工行動暫未有受影響其覆診時間。但他說，即使有影響仍然支持醫護罷工，已置生死於度外，「費事阻住個地球轉啦，醫護都係人，人哋都有自己難處」。他不滿特首林鄭月娥昨拒全面封關，「繼續畀啲人入嚟，啲菌周圍傳播攞命㗎嘛」。
患有血科病症的陳先生亦支持醫護罷工，批林鄭施政天真、後知後覺，「以為咩都under control，其實已經失晒控，佢個班底淨係識出來孭鑊，點解寧願補鑊都唔預先防止？」他批評林鄭半封關措施敷衍了事，「做嘢唔得徹底，等於應酬吓你就算」。
接緊急手術 醫生棄罷工
心臟科醫生倫先生本計劃罷工，但昨早必須進行緊急手術，終繼續緊守崗位，「緊急救命嗰啲我哋一定會做，唔希望病人受損」。他說支持工會罷工的訴求，衷心希望港府能從源頭阻截病毒，「如果再係咁，遲早社區爆發，醫管局係承受唔到咁多（病人）」。對於林鄭挑釁稱罷工醫護「唔會得逞」，他反駁：「醫護界罷工唔係為咗加人工、福利，係為咗全香港市民，得逞應是形容惡行、不正義的行為。」他慨嘆全人類搶口罩，連醫護物資亦開始要限制用途，不理解政府為何堅拒從根本源防疫。
未有參與罷工的內科病房護士潘小姐就指縱使工作量大增，仍然支持和尊重參與罷工同事，「我都好抱歉冇參與罷工，不過大家分頭行事，總唔能夠冇人照顧病人」。
■記者梁銘恩