武漢肺炎肆虐，當中1名確診的39歲男病人昨早在瑪嘉烈醫院逝世，死者生前住在黃埔花園，消息一出，令該區人心惶惶。新城DJ葉文輝（啤梨）的工作地點在黃埔，他接受《蘋果》電話訪問說：「地點係近嘅，但都冇得擔心太多，惟有自己做足預防措施，所以都會照樣返工。」
處境劇《愛．回家之開心速遞》演員歐瑞偉住在黃埔花園，他接受傳媒訪問說：「擔心唔到咁多，雖然我哋係同一期，但距離都好遠，一頭一尾，只係望到佢嗰座。做好個人衞生同預防措施就可以啦。」問到無綫有否提供口罩給職藝員？他說：「聽講冇嘅可以問保安攞。」另外，黃祥興太太日前再誕子，一家五口現時住在外母位於黃埔的屋企。他接受傳媒訪問說：「我住喺黃埔花園隔鄰，我都擔心㗎，可以嘅就唔出街。」他坦言經過黃埔範圍都擔心，更禁止朋友上門探BB。
採訪：皓騫