曼聯季初借阿歷斯山齊士畀國際米蘭，唔少人都認為呢位智利前鋒嘅紅魔生涯已步入尾聲，但近期有傳曼聯希望季尾留住呢位50萬鎊周薪嘅前鋒，拒絕畀國際買斷。仲同山神講會留番件七號波衫等佢返嚟。山神今季喺意甲上陣5場入得1球唔算突出，唔通曼聯真係買唔到人，要等呢位31歲嘅前鋒返嚟做救世主？