馬國明與助手昨早10時許現身香港機場，準備赴新加坡做商演。武漢肺炎席捲全球，馬國明都很小心，戴上口罩自保，他表示知道疫情嚴重：「雖然要搭飛機，但唔擔心得咁多，惟有小心啲。」他又透露原本年初二要到惠州商演，不過最後要取消，但新加坡的客戶決定如期舉行，屆時會與鄭伊健同場。馬國明坦言擔心留在香港的父母，所以工作完成後會即返港。問到會否順道在當地購買口罩及消毒用品，他說：「有時間都會張羅，當地供應冇咁緊張，會買定啲返嚟，希望香港政府都快啲公佈政策，等大家容易啲買到。」
祝願身體健康
有份演出的新劇未受疫情影響，過年後會如期開工，馬國明說：「暫時知係如期開拍，但最終係睇公司安排，返港再跟進。套劇全部喺香港拍，所以都帶定劇本喺行李，一有時間就睇。」最後他祝願眾人新一年身體健康，萬事小心。臨入閘前有不少影迷向他索合照，馬國明友善答應，不過為雙方着想，一直戴着口罩。
另外，馬國明在農曆新年期間與劇集《鐵馬尋橋》的兄弟姊妹鄭嘉穎夫婦、黃嘉樂、林子善和唐詩詠團拜敍舊，林子善太太因為要坐月未有出席，只有黃嘉樂帶攝影師女友Samantha到場。
打牌大殺三方
由於「安心偷食」，馬國明與黃心穎變回「朋友」，所以今年的聚會不見女方蹤影，但馬國明也不愁寂寞，抱着鄭嘉穎的囝囝Rafael，但Rafael卻扁嘴望着馬國明，唐詩詠就搞笑留言：「你係邊位？做乜抱住我？」聚會期間，眾人打麻雀發新年財，鄭嘉穎與黃嘉樂就傍實唐詩詠打牌，她把過程全記錄：「佢兩個喺後面不停嗌，碰！上！果斷啲！上嘞你！#鐵馬家族#二佬雖然天然呆#但係打牌一啲都唔呆」，似乎暗示馬國明大殺三方成大贏家。
採訪：曹家誠
攝影：陳俊強