禮拜一英足盃阿仙奴作客般尼茅夫，開波5分鐘就由18歲小將布卡約沙卡妙射領先，之後沙卡仲交出助攻畀另一小將尼基迪亞入波，結果以2:1擊敗有森蘇列治破蛋嘅般茅。賽後進行16強抽籤，阿仙奴對手係英甲嘅樸茨茅夫，至於利物浦如果重賽淘汰到英甲嘅梳士貝利，就要作客車路士；另朗尼效力嘅打比郡如重賽踢走英乙諾咸頓，就會倒戈曼聯！