禮拜二亞冠盃進行咗多場附加賽，其中受武漢肺炎疫情影響，中超球隊上海上港（上海SP）雖保住主場之利，但就禁止球迷入場，以免人多聚集傳播病毒。雖然大牌外援奧斯卡、侯克同阿拿奧杜域齊齊正選，但上港半場踢到冇厘神氣，要到75分鐘先由李聖龍打破缺口，補時再靠阿拿奧杜域同侯克嘅入波，以3:0擊敗泰超球隊武里南聯，成功打入分組賽。