余香凝和組合Super Girls的陳穎欣（Yanny）去年發展不錯，二人趁農曆新年到大埔林村，向許願樹拋寶牒，祈求新一年好運及如願，一個要完成個唱，一個想成為「按摩王后」。余香凝和Yanny相識近十年，但合作機會不多，不過二人去年就在ViuTV劇集《地產仔》中合作。
跳舞喜劇效果
Yanny回想十年前認識余香凝時，她說：「我箍緊牙，佢剝咗隻牙，大家都好岩巉，記得當時拍攝着婚紗，我又細粒又矮，被人笑我似係佢花女。」余香凝指自己樣貌偏成熟兼皮膚較黑，當年被攝影師投訴：「攝影師話影完我再影佢，要重新調校過晒啲燈，Yanny皮膚真係好白，我好黑。」今次一起拍劇，余香凝透露：「劇中我係一個惡嘅大家姐，幾錫Yanny呢個下屬。」Yanny說：「佢幾有威嚴，拍第一場時都被佢嚇親，平時佢都溫柔，但佢角色硬朗，自己都即刻入戲。」
本身是創作歌手的余香凝，今年3月將舉行首個個人演唱會，她表示會邀請Super Girls助陣：「因為自己第一次開騷，構思係自己諗，有演戲元素，有獨腳戲模式，要練歌、練氣，或者要彈自己嘅歌，唱歌緊張過拍戲好多，因為冇得NG。」她考慮挑戰跳舞，並笑言：「大家好期待我跳舞係好核突，所以有喜劇效果，應該係跳一跳，等大家開心啲。」她喜歡創作慢歌，卻被朋友笑指似催眠曲。去年余香凝拍了五部電影，她表示不論主演或客串，都很感恩有機會，期望今年亦可以一齣接一齣：「2020年希望個騷順利，亦希望每年可以同媽咪、細妹去一個地方旅行。」
落場幫手按摩
Yanny指去年生活上有很多新嘗試，例如擁有自己的寵物，過獨立生活，以上都滿意完成：「2019年同朋友開咗間餐廳，都係少少哋玩吓，其實一直好想開按摩店，身邊朋友都好想，睇吓可否實現。好多人都好大壓力，而且我係骨精，超鍾意按摩，好想有個地方畀人休息。」余香凝即謂演過《骨妹》懂得實際技巧，可以在按摩店幫手。
採訪：張明
攝影：沈健程
服裝提供：Tara Jarmon（D-mop）
鳴謝：林村許願廣場