陳潔玲（Christy）為前「J2女神」，自2017年離開無綫後，在觀塘區創業開party room，原本生意都不俗，但因逾半年社會運動，生意難免受到影響。
被稱為暴徒
Christy為擴闊財路，最近邀請畫「哭泣的肥媽」pepe sticker的Victor合作開畫班，希望在悲傷中帶點歡樂給同路人。Christy日前受訪時說：「恭喜發財，好人一世平安！過去半年我生意差唔多跌咗一半，業主減咗少少租。過去半年一場運動，見好多靚文宣作品，因此認識咗一啲藝術家同創作嘅人，所以有呢個諗頭，可能大家都有唔同情緒，唔開心、大壓力都要途徑抒發，咁傾傾吓就不如搞個畫班，以Pepe主題做啲二次創作，希望大家透過畫畫抒發情緒開心啲。」
Christy和Victor在網上曾經被人起底，Victor苦笑說：「畫呢個WhatsApp sticker係因為當時社會氣氛唔係幾好，唔開心就不如做啲嘢，嗰排最hit呢個（肥媽），啲人睇得開心，自己又開心。被起底都冇辦法，唔太攻擊性都OK，畀到少少歡樂大家，起底都值得。」Christy更慘被稱呼做暴徒：「有段時間都搬咗去酒店住，因為滋擾得好厲害，但我應該係千千萬萬個嘅其中一個，都OK嘅。」
雀局遇拍檔
談到二人相識經過，Christy直言是三顧茅廬，最後在麻雀枱上才能相遇。而今年Victor更創作Pepe賀年揮春，包括「五大訴求 缺一不可」、「家黃萬事興」、Pepe財神，還有「無限loop」一張連一張的魚魚得水，希望送給學生，Christy說：「新年願望係和和平平，但預見到有好多嘢陸續發生，希望身邊人可以平安，其實換個政府就乜都解決晒。」去年爆出疑介入陳庭欣和男友戀情，她說：「嗰啲爛桃花，雙方係認識嘅朋友，但我路過㗎咋。既然佢哋出嚟澄清，去年完咗㗎嘞，唔想再渲染落去。」
採訪：嵐山
攝影：陳俊強
場地提供：Bilibala Private Room