沙律去年工作機會不斷，早前便為香港開電視拍攝節目，首次單拖做主持，更去日本拍外景，她謂：「一個人做初初都有啲困難 ，因為好多時工作人員去到現場睇咗環境先再度稿，有啲似打天才波，不過係一個好經驗。」會否介意外界始終着重她的身材？沙律表示：「明白嘅，呢樣係自己嘅嘢冇得改變，靚仔靚女係呢行嘅入場券，起碼人哋肯畀咗機會先，唔係個個都有本事性感，多咗人認識人哋先再深入了解我，就可以開始接一啲未必同性感有關嘅工作。」
現在冇男友管束，會否接受更性感的演出？沙律謂：「唔關事，當時同林耀聲一齊，佢真係好好，乜都唔理，難得有男友支持自己行性感，不過最緊要係自己，鍾意先去做，不過我都想唔好只限性感，想突破吓自己嘅界限。」