連續兩年幫香港求得壞籤的劉業強，今年還有得留低？解籤師傅指，除非將籤筒徹底做手腳，換晒做上上籤，否則，無論點求，今年都會衰過舊年。
無嘢難得到盲嘅兼聾嘅林奠，一聲令下，初二車公靈籤呢場賀年騷，會跟煙花一樣，兩個字搞掂：取消！或者效法維園年宵，冇乾貨，防暴速龍進駐，求籤屬非法集結，必拉鳩你，吹咩！
其實，林奠唔使出聲，PK721一個眼神，兄弟收到，破窗效應吖嘛，黑衣大隻佬漏夜去車公廟「裝修」，刻意留下水喉通詐彈。咁樣，唔會令市民驚。但劉家祠堂接班人，驚到咳，唔敢沾手。邊個接這個求籤job？雖然何已完好想做頭版，但他自掘山墳後手風欠順，連區議會席位都保唔住，何以服眾。民賤聯如何？一團屎味啊，關二哥可以硬啃，車公點頂？
車公靈籤教誨，已成過去。鼠年一到，武漢沙士闖關，車公都要full gear戒備，人多地方，尤其內地遊客熱衷打卡的景點，香港人，不了。689一片赤心愛死內地遊客，快些攬住異客親親，聲怨霜寒，杜鵑啼血。