當年為筲官男排贏得學界冠軍的施瑋斌打而優則教，今年重回母校執教女排，隨即以教練身份領軍歷史性打入決賽並取得亞軍。現年21歲的他直言，希望當年的佳績能延續之餘，更希望將堅毅不屈的心態傳承下去。
在15/16球季助筲官贏得學界冠軍及精英賽亞軍，施瑋斌在畢業後入讀香港浸會大學的體育系，他直言希望往教練及老師一途發展，因此得悉筲官女排教練的空缺後，便決定以教練身份回饋母校。過往以球員身份上場，施瑋斌覺得教練只需在場邊指指點點，豈料執起教鞭才明白這並非容易的工作，他笑言：「接手就明白當初世峰教練嘅辛苦，由球員轉做教練，最大分別係球員可以做到想做嘅嘢，而做教練只能落指令，無力感會重啲。」幸好21歲的他跟球員年齡相近，能以亦師亦友的方式相處，溝通上無太大問題：「一開頭接手都好緊張，我教練經驗唔多，好擔心教唔好。不過我同球員年齡差距較細、代溝細啲，所以好多嘢可以放膽同佢哋講。」
對於筲官女排今季歷史性奪亞，施瑋斌直言球員贏在夠團結，不過他希望球員延續「黃金一代」的佳績之餘，更希望將堅毅不屈的心態傳承下去：「唔只成績，希望心態都可以傳承落去，因為排球唔只技術，心態都好重要。」執教首年獲得如此佳績，對施瑋斌是壓力更是動力︰「起步點咁高，我都唔可以怠慢。」他再三強調，女排的佳績並非一己之功：「筲官老師同世峰教練都好支持我，令我慢慢建立信心，好多謝佢哋。」
記者：許嘉明