【本報訊】港府就武漢肺炎爆發加強機場檢疫，但有旅客擔心只要求武漢來港航班乘客填寫健康申報表並不足夠，擔心旅客由武漢出發至其他地方，再轉機返港便無法提防，若果出現2003年沙士來港播毒的超級帶菌者便不堪設想，希望港府對所有內地旅客一視同仁。
對內地控疫能力失信心
自港府宣佈由武漢乘機抵港的旅客必須填寫健康申報表後，《蘋果》記者昨於機場一號客運大樓視察，發現職員及不少旅客戴上口罩，至於航班未有特別減少，昨日往來武漢航班當中，共有兩班抵港和兩班離港，均為港龍航空提供。
前往土耳其的李先生表示，「大陸嘅菌咁犀利，咁佢（中國政府）隱瞞，我哋唔信」，昨日出發至機場已戴上口罩。對於由武漢抵港的旅客須填寫健康申報表，他指內地其他地方抵港都應該要填寫健康申報表，「因為𠵱家個疫症擴散到其他地方，（中國政府）要同其他國家一齊對抗疫症，你（中國政府）好似閂埋門咁，唔係咁好囉」。
他擔心有關措施對轉機旅客走漏眼，「如果旅客轉折啲，由武漢去咗北京再嚟香港咁咪唔使填表，萬一佢係帶菌者咁點呢？」他坦言對內地控制疫情的能力失去信心，「冇乜嘢事我都唔會返大陸，去玩其他地方都玩得，唔一定要去中國」。
前往北京的謝女士稱，對比十多年前內地的醫療措施，現時內地醫療防範措施有所提升，她對於現時社會對武漢肺炎事件比較緊張，屬可以理解的範圍，但認為「心態可以放平啲，自己做好啲預防措施就足夠」。
■記者江子堯