法媒報道，Netflix正製作有關巴黎聖日耳門（PSG）球星尼馬（圖）嘅紀錄片系列，預計年底就面世。報道稱Netflix嘅製作團隊已經同PSG達成協議，等佢哋可以入球會嘅訓練基地拍攝，但因比賽可能涉及其他版權問題，所以暫時未獲批准喺片中加插比賽片段。早前另一串流大台Amazon都就拍攝尼馬紀錄片報過價，可惜就衰咗。佢哋發言人早前接受《巴黎人報》訪問時，都有講到拍攝足球同體育明星紀錄片已經係潮流，近年都有好多球會先後同Amazon Prime合作，包括曼城、多蒙特同熱刺，而Netflix就拍過祖雲達斯同新特蘭。