林二汶、鍾舒漫和鍾舒祺等歌手昨日到中環出席「埋班作樂」音樂創作及製作人才培育計劃活動，眾人稍後會和一班年輕創作人合作錄製新歌。擔任大會評委之一的林二汶大讚參加者質素高：「佢哋好犀利，有啲我本身都識，所以希望佢哋快啲入行同我哋做嘢，可以快啲進步。」她又透露4月將舉行音樂會，並同步製作新碟，希望有機會跟這班新血合作，並笑言：「希望啲年輕人可以畀機會我。」
鍾舒漫及鍾舒祺兩姊妹受訪時，提到鍾舒祺即將和新婚音樂人丈夫補擺喜宴，她透露日子暫定在下月情人節左右：「上年情人節註冊，所以諗住一年後嘅情人節擺酒。」鍾舒漫立即說：「但我叫佢唔好情人節擺，冇人會嚟。」
採訪：曹家誠
攝影：林賓尼