導演周冠威2016年憑電影《十年》贏過香港電影金像獎最佳電影，此片被喻為是香港預言書，卻被部份圈內人視為洪水猛獸。周冠威對《十年》既視為榮譽，亦是一道「枷鎖」，因為有部份投資者不會找他執導，甚至投資。周冠威直言：「香港電影近年其實賺錢嘅好少，如果要我形容，電影投資變成一個慈善事業，係非常悲哀。」
欣賞過80、90年代香港電影工業騰飛的作品，現年40歲的周冠威日前與蔡思韵接受《蘋果》訪問，周冠威覺得現時是這行業壞到透的時代，肯留低的人全是有心人：「我唔想用攬炒嚟形容，事實香港電影已經攬炒咗，好多香港觀眾已經唔再睇香港片。」他指近幾年的香港片是靠一班新導演撐起，他們無疑是真本土電影的中堅，因為好多電影已變成合拍片，真正留港拍攝的並不多，變相令這低成本市場機會留給新導演。
武俠片死穴
不過在新一代電影人之中，周冠威坦言大家有一個的死穴：「我哋無法拍武俠片，冇一個可以，即係我冇信心拍武俠片，或者要再畀我多十年。」同時他暫時在新導演之中未見到「周星馳」或「徐克」出現，可以獨立處理一套娛樂片。雖然如此，政府在推動電影業上也有出力，正如周冠威的新作《幻愛》，便是透過「資助計劃」獲得20%資金：「我覺得創意香港係一個幫助，好坦白講如果唔係我贏咗政府呢筆錢，我係搵唔到投資者，因為現在太困難，只可以拍大概1,000萬樓下嘅戲。」
對於近年倡議本土、港片，但能否賺錢，周冠威說：「香港電影近年其實賺錢嘅好少，真係可以回本嘅港產片，其實唔會超過一半，絕大部份都係蝕錢。如果要我形容，電影投資變成一個慈善事業，係非常悲哀。」他補充：「嗰啲『善長仁翁』就係唔想香港電影死，唔係好多個。我可以開名好似我嘅監製、Golden Scene老闆Winnie，就係其中一個善長。」周冠威以《幻愛》的600萬元小成本為例計算，跟戲院分賬後，差不多要1,800萬元票房才可回本，試問一年中有多少港片可以過千萬。
「唔代表賺錢」
在周冠威口中的「善長」有已經「上晒岸」的影圈人，他們希望可以回饋香港電影，另一班是跟電影業無關，卻很愛香港及本港電影的有心人：「呢位投資者完全唔係投資電影，佢好直接話因為鍾意《十年》所以投資畀我，我都好坦白講我拍得幾好都好，都唔代表你會賺錢，要視乎市場、天時、地利、人和，我同演員只可做好本份，完成一部得體嘅電影，至於結果係點，就要睇電影自己嘅生命。」他透露這位投資者很可愛，特別之處是他認為需要有香港電影講香港，希望多點香港故事在港產片出現，所以才投資，重要是沒有想過賺錢。
撰文︰何永寧
攝影︰沈健程
化妝：ShuenKong of WiLLWong
髮型：Lupuschui of orient4
場地提供：東南樓藝術酒店