屈在天水圍街坊商場的一個小角落的「手作仔」，可說與港人的逆權運動共同成長。
在6月初兩次百萬人遊行，以及6.12包圍立法會力阻惡法期間，手作仔的舖頭尚未成形，只得一個面書專頁之時，老闆阿Bill已在網上發聲。到6月30日，門市終於正式開張，翌日運動又掀起新一頁，發生了首次佔領立法會。阿Bill其後決定用盡小小的舖面支持運動，memo紙和文宣變成了唯一的裝飾。
與挑機者理性討論
阿Bill曾任地盤管工，去年年初與太太一起放棄原先的工作，投資10多萬元搞手作仔，太太主力做牛軋糖，阿Bill就主力做曲奇，夫妻檔創業。但因為商場地點偏遠，舖頭又位處二樓角落頭，埋沒在一堆美容店和小型補習社當中，創業頭幾個月都生意慘淡，連舖租都未必賺到。
不過阿Bill話，雖然生意難做，但舖頭的環境卻有利運動宣傳。舖頭附近補習社林立，不僅多學生會路過，不少家長和老人家亦會在商場閒逛等小朋友放學，部份人見到連儂牆，會刻意上前「挑機」，阿Bill樂於趁機跟他們討論，「如果係為咗挑釁，我就會繼續做嘢，如果你係想理性討論，我會放低啲嘢同你慢慢傾」。商場二樓人流稀少，甚至因此偶而有手足來跟老闆傾訴心事。
直到12月，黃色經濟圈變得成熟，手作仔亦開始被同路人留意，突然定單急增，舖頭捱了半年終於收支平衡。「除咗我生存到之外，希望可以將訊息帶出去。好多學生過嚟睇下文宣、寫下memo，我都會同佢哋講，『唔好忘記』。」阿Bill除了禮盒外，新年亦推出印滿口號的「黃色同心同行曲奇」，扣除成本會捐到傳媒和支援抗爭的組織，希望大家踏入新一年，亦毋忘初衷。