7.21恐襲發生後，阿Kin怒得整晚輾轉反側，在舖頭的網上專頁上表示短期內不再接受贈予警察的定單：「送花係一種祝福，但如果係送畀𠵱家嘅警察，我哋呢一刻真係唔知仲點可以祝福到你嘅警察朋友？」
阿Kin和拍檔合作經營Amen Florist和八拾花火兩間花藝店。除了在網上表明立場，以及向市民派白花悼念逝去手足外，他們亦是少數會將運動元素融入花品中的店舖。
八拾花火的標誌性花品「花火瓶」，將不同顏色的乾花花瓣放入燈泡中，寓意每個人獨一無二的夢想，最近他將不同的抗爭口號放入瓶中，寄語港人的共同願望可以發光發亮。近月有客人訂花祝賀朋友的「黃店」開張，他就構思用繡球花或菊花製成「連豬花」，吸引了不少同路人查詢。
表態後生意跌七成
但跟賣生果一樣，只在開心、喜慶才派上用場的花藝裝飾，即使被標示為黃店，在過去半年同樣不易過。阿Kin指，過去八拾花火的生意依賴為大公司搞花藝工作坊作員工活動，但自從運動開始後，這類生意銳減七成，「佢哋查詢workshop，可能報晒價，之後突然間同你講：因為擔心社會情況，我哋要延遲，跟住就冇咗件事」，但無法確定是否與他們表明政治立場有關。
阿Kin說，就算生意有流失，但他從不怪責社會狀況，「大家爭取嘅嘢都係為咗將來箒，如果𠵱家唔願意犧牲，將來付出或者失去嘅更加多」。面對經營困難，阿Kin決定改變自身，轉而在自己舖頭搞更多對公眾開放的工作坊，開拓新客源，總算穩得住陣腳。
因為租金問題，八拾花火在6月搬入太子花墟的樓上舖。太子後來成為衝突最劇烈的地區，阿Kin試過數次，自己在店內指導着學生插花或製作定單，外面卻硝煙四起，難免覺得自己脫節和難受。「插花都係藝術一部份，心情差一定影響，你個人急躁啲，插盤花都冇咁靚。」但對於Kin來說，花藝同時是他在道阻且長的路上的唞氣位，「個運動咁艱難、心情咁差嘅情況，如果keep住負面情緒，其實好難行落去，依然都係要過生活，喺生活中嘅平衡要做得好」。