伊巴謙莫域相隔七年重返AC米蘭，仲會着起21號波衫，伊巴就透露今次揀冧巴原來唔係佢話事：「其實都冇乜特別原因，我畀咗一堆懸空嘅號碼我啲囝囝揀，佢哋幫我揀咗21號，咁我咪聽佢哋話囉。」伊巴仲話近2、3個禮拜同米蘭高層波班同馬甸尼傾偈仲多過同自己老婆，睇嚟佢對紅黑軍團都有一份特殊嘅感情喎。