【本報訊】表現差還可加人工？相信沒有人認同，除非蓄意包庇縱容。立法會財委會正在審議2019-20年度公務員薪酬調整，民主派一直要求將被指濫暴濫捕的警隊加薪建議抽出來獨立審議，惟當局堅拒不從，勢要綑綁表決。2020年第一天首步便走入維園參加民陣大遊行的市民，不約而同指警暴問題未解決，不容警隊加人工，遊行人士口號當中，也包括這訴求，沿途高喊：「反對警察加人工」。
記者：呂浩然
「唔炒佢哋（警隊）都偷笑，點解要加人工呢？」自言過往傾向支持警隊的陳先生昨天現身民陣遊行大隊，他指8.31警員在港鐵站無差別打市民是轉捩點：「佢哋冇分辨過邊啲係示威者、邊啲係市民，見人就打，好唔合理……唔似以往咁依據法律執法」，又指：「之後又封咗成個（太子）站，唔知入面發生乜事」，明言經歷7.21及8.31事件後，對警隊十分反感，「以往我冇行出嚟（上街），到𠵱家我會行出嚟」，表明絕不贊成加人工予警察，免用納稅人金錢支持警隊打市民，認為港府今年必須處理警暴問題及回應五大訴求。
必須獨立調查
科技界的陳小姐也反對加薪予警隊，擔心增加警隊煽動民情的動力，「畀多個理由佢哋製造混亂」，她指應讓警員明白當差應以公義為先，「唔好畀啲金錢上嘅好處成為佢哋要加入警隊嘅原因」，指自從7.21元朗無差別襲擊事件後，「（警隊行為）冇一樣嘢係接受得到」，認為警隊受過專業訓練，應為現場環境降溫，但現時衝突卻每每因為警員而升溫，強調加人工問題不能倉卒決定，政府必須成立獨立調查委員會調查事件。
戴上口罩的杜同學昨天亦上街：「一日未成立獨立調查委員會，一日都唔會支持佢哋增加薪酬，去支持佢哋（警隊）𠵱家做嘅嘢。」要數最令他難忘的警暴事件，他直指是8.31，「冇諗過會喺香港發生」，直指：「佢哋（警隊）成日話自己要儆惡懲奸，但又有政治考慮，連警署都閂門，咁佢哋憑乜嘢攞更高嘅人工？」他認為警暴問題日益嚴重，源於缺乏制度與制衡，令警隊為所欲為，支持成立獨立調查委員會調查事件。他更指，現時驚警察多於示威者，「因為佢哋（警隊）擁有殺傷力武器，但示威者就係講道理，唔係人人都會打」。
結伴上街的李先生與鄧小姐說起警隊加人工亦說不。李先生斥，「警暴咁嚴重，仲想加人工？」他指7.21事件令人心痛，「點解香港呢個法治社會可以發生咁嘅事？」，「好明顯警黑一齊做，但又死口唔認」，兩人無不認為要以獨立調查委員會徹查事件，李先生更強調，「唔理加唔加佢哋（警隊）人工，最緊要還番公義畀所有受傷嘅人同死者」，強調一日未作調查、一日未解決警暴問題，包括他在內的市民都會繼續上街追究。