【本報訊】警方早前高調以洗黑錢罪名拘捕星火同盟成員，並凍結星火戶口7,000萬資金，意圖「斷水」打壓抗爭，惟政權越打壓，市民越踴躍支持。一眾新任區議員昨為星火設街站，有市民怒斥警方高調行動是恐嚇市民，堅持向星火捐款，並強調「市民係唔會驚，香港人好勇敢，佢點打壓香港人都係會企出嚟」。
哪裏有壓迫，哪裏有反抗。多位新任區議員昨為星火設籌款街站，街站分別設於灣仔恒生銀行及銅鑼灣希慎廣場外近波斯富街位置，元朗區議員張秀賢、沙田區議員李文浩及香港民族陣綫發言人梁頌恆均有站台，呼籲遊行人士捐款撐星火，遊行未開始，市民已踴躍捐款。
「無論點都唔割席」
堅持支持星火的吳小姐怒斥警方高調拘捕是為了恐嚇市民，故意堵截星火資金來源，「想我哋唔好再資助星火，但無論點我哋都唔會割席」，她堅持捐款給星火，「覺得好多小朋友都好慘，我哋去唔到前線，但金錢許可都可以幫佢哋」。她指除捐款給星火外，亦會捐給其他組織及政黨。
插畫師黃先生指，之前看到警方拘捕星火成員的新聞時感到很氣憤，「市民已經用晒所有方法，都仲要咁樣打壓，好唔掂」。對於有指警方此舉是為恐嚇市民不要捐款，黃先生直言「市民係唔會驚，佢點打壓，香港人都係會企出嚟」。他稱「我哋損失咗一啲嘢，就要諗方法補救」，決定繼續向星火捐款，並勉勵港人新一年要緊守崗位，「做返好自己」。
梁先生認為警方及政府打壓星火做法不合理，但認為匯豐責任不大，「我諗係根據法例去查呢個戶口都合理，但話洗黑錢就唔make sense（合理）」。他直言不會擔憂警方或政府恐嚇，「𠵱家警方做咩都係想我哋驚，連行出街都想我哋驚，要面對呢啲白色恐怖，咪要話畀佢哋聽我哋唔驚囉」，他指明白到前線示威者面對法律起訴時，需負擔龐大費用，故堅持捐款給各支援組織。
■記者李雨夢