大埔區街坊多次與警方衝突，區內同樣催淚彈橫飛，加上東鐵及吐露港公路曾停駛及封閉，令區內與世隔絕。
「政府處理得唔好」
在大埔市中心經營護膚品店八年的梁先生，200呎舖面月租兩萬多元，梁先生默默支持抗爭者，但未有在店外張貼反送中文宣，未知是否因此未獲黃絲「懲罰（光顧）」。他嘆稱7月起營業額大跌近七成：「我自己已貼咗幾十萬出嚟，如果情況持續多半年，可能執得喇。」梁曾望業主減租但被拒絕。
近月抗爭不絕，建制派及不少從商者都歸咎示威者「搞亂」香港，但梁先生堅持錯不在示威者，「政府處理得唔好，令事件一路發酵。」梁先生直斥特首林鄭月娥在6月時沒有當機立斷宣佈暫緩修例，令民怨日深。他指偶然遇到「同路人」熟客亦會互相安慰，「我都會捐啲錢去星火，或者買啲物資畀佢哋。」訪問當日時值中大攻防戰首日，梁先生當日雖然如常開門做生意，但亦有與妻子送食物到中大聲援抗爭者。
梁先生支持前線之心不改，面對今日局面，他選擇樂觀面對，「咁嘅時勢係要你停咗唔做（舖），咁咪搵過第二樣嘢做囉。」