現年33歲的李思雅是香港前女子網球代表隊成員，2005年選港姐入行後擔任《體育世界》主持，但後來《體育世界》停播便加入劇組，但發展平平。《蘋果》日前收到讀者陳小姐爆料，指李思雅做第三者介入她與未婚夫之間。
撻着半年
陳小姐透露未婚夫姓黃，是IT公司老闆，她說：「起初佢成日搵我打麻雀，又搵我未婚夫打網球，點知我發現佢趁我唔喺香港，借啲意成日搵我未婚夫。我最初唔係好理，諗住儲埋啲證據，點知佢仲將同我未婚夫影嘅合照擺上朋友圈，又send相畀我睇，我有打電話鬧佢，最後佢仲block咗我！」陳小姐透露本來已跟未婚夫同住，但李思雅介入後已搬離，她指兩人已撻着約半年多。
《蘋果》連日發現李思雅和新歡拍拖，首次是黃先生駕車入元朗會合李思雅，兩人帶兩隻愛犬逛商場，之後到露天餐廳食下午茶。及後李思雅蹺實男方到停車場取車，態度親暱，接着駕車去錦田食晚飯，食完後男方先送李思雅返上水香閨，才獨自回家。另一次李思雅與新歡離開男方西貢寓所，跟男友人去白沙灣碼頭一帶「搵食」，其間李思雅不時搭着男友膊頭密密傾，後來索性十指緊扣。
打波認識
李思雅受訪時否認做第三者：「清者自清，我唔會做呢啲嘢，我哋係拍緊拖，一齊咗半年，不過我哋一齊嘅時候，佢哋已經分咗手大半年。」談到相識經過，李思雅透露：「我同男友係打網球嘅波友，嗰陣我哋各自有另一半，後來我哋回復單身，相處一陣先一齊。」李思雅表示陳小姐曾致電用粗口罵她，但她否認跟男友同居。之後，李思雅再公開幾張截圖指對方曾用粗口罵她，又指對方曾到男友家中偷走屬於她的物件。
李思雅男友昨在社交網澄清：「我與梁小姐（並非報道所述的陳小姐），在一年前已經分手，之前並未與梁小姐結婚或訂婚。我約八個月前開始約會並追求李思雅小姐，所以並不涉及『所謂硬搶朋友未婚夫』，現時我們已拍拖約半年時間，感情生活穩定，非常開心和美滿，彼此亦相當投契。」
採訪、攝影：唐琛悠、徐錦池、吳耀輝、梁繼光