【本報訊】新民黨今屆派出28人參加區選結果全軍覆沒，該黨主席葉劉淑儀強調建制派仍獲40％選票，「我哋得嘅票絕對唔少，仍然好多市民支持我哋」，她指新民黨得票率為39.4％，形容今次區選「政治化」和「立法會化」，選民是根據政治而非地區議題投票，令很多地區工作紮實的候選人都落敗。她又否認「亡黨」，指康山、康怡、太古東、海怡西參選人「得票都係破紀錄」，又認為沒有一個執政黨能永遠執政，「可能幾年後，選民選返我哋都唔定，所以我哋唔會放棄」。
抽水指田北辰反修例都輸
葉劉昨於立法會主動回應區選大敗，她不認為已失去立法會選舉的樁腳，「輸咗都有票㗎嘛」。問及會否對敗選問責，包括辭任黨主席，她稱會由黨員決定。
至於敗陣是否與她高調撐警及不接受五大訴求有關，葉劉不忘「抽水」：「你唔好忘記，田北辰議員係公告所有選民，佢唔支持修例，佢又支持成立獨立調查委員會，咁點解佢又落敗呢？所以唔係咁簡單，唔係支持政府成立獨調查就贏。」她強調選舉結果反映市民對政府有很大不滿，該黨日後會要求政府改良施政。
昨午葉劉到中環整牙後路經畢打街，遇到白領參加「和你Lunch」行動。她稱現場本來很平和，其後有很多粗暴人士上前包圍，「講粗口啦，不斷講粗口，甚至有人喺我身上淋水，好彩係水，唔係火水啫」，相信高峯時多達數百人包圍自己，後來有人罵她「賣港賊」，防暴警上前護送她離開。
■記者林俊謙