今年7月榮升爸爸的黃澤鋒昨日到中環出席髮型屋活動，同場還有鍾舒漫、陳展鵬與太太單文柔等。黃澤鋒太太陳麗麗日前因受催淚彈影響皮膚敏感，因餵哺母乳關係連帶囡囡也長滿紅點，黃澤鋒說：「已經好番啲，但冇得停餵人奶，惟有隔時間耐啲先餵。」問到有否覺得警方隨意在民居施放催淚彈做法不負責任？他說：「希望可以盡快解決，我覺得最起碼政府要公佈催淚彈成份，你唔講醫生都幫唔到我哋。」
同場的陳展鵬4月也榮升爸爸，提到黃澤鋒囡囡的情況，陳展鵬稱現居住地方情況還好：「不過我拍劇經常出入好多大塵污糟地方，放工返去一定要全身消毒，似足入ICU（深切治療部）咁。」單文柔就自認是緊張媽咪，所以陳展鵬入屋前要噴消毒噴霧，再沖涼換衫才接觸女兒。
採訪：曹家誠
攝影：陳俊強、廖達燊