羅馬賽車運動會設四級方程式（F4）賽事，特別的是，國際汽車聯會特別委托香港車廠KCMG負責研發和生產賽事所用戰車，意味賽道上風馳電掣的賽車一律為港產，車廠於賽前僅八個月始受邀造車，今日戰車列陣待發，創辦人葉恭正明言感動。
今次F4賽事共20隊參賽，港隊派洪壽鴻應戰，賽事周五開始自由練習，但各輛戰車早於賽前幾日已置於車房作最後裝嵌。今屆賽事賽車統一由香港車廠生產，車廠創辦人葉恭正坦言夢想成真：「我哋公司生意主要係碳纖維生產，始終未試過真真正正生產一部車，今次係夢想成真，我哋同FIA前後傾咗兩年，到佢哋答應一齊搞，其實得番八個月，研發同生產好趕，時間都係剛剛好。」這架F4戰車特色在於其混能設計（Hybrid）和Halo（頭部保護裝置），研發過程複雜，「F4平時用普通turbo車，今次要改Hybrid加Halo，成個研發要改，重新設計花好多時間。例如Halo唔算難造，但一架碳纖維車要承受Halo撞擊，需要好多工程師時間去成就。」賽前超過20架賽車於車房一字排開裝嵌，葉直指感動：「見到拉晒花，真係好感動，鬆一口氣。」