警方前日在屯門兆軒苑以行刑式手法，要求十多名住客跪地接受搜查，照片在網上瘋傳引來罵聲震天。有民主派地區人士及一些專業人士指，北京、港府放任差人不按規矩執法，不但無法止暴制亂，反而已直接令街坊及商界成受害者，他們的憤怒及不滿，全都轉嫁到建制派及北京身上，「如果建制派區選大敗、越來越多港人對中國反感，唔好賴民主派，去搵班差人找數」。
商界斥警製造混亂
有民主派地區人士稱，不知警方近日是否拉不到黑衣人，闖入私人屋苑拉街坊次數越來越多，對街坊施用暴力程度也不斷升級，他早前到所屬社區為當區民主派區議會候選人做街站，一班曾被差人進入屋苑滋擾的街坊即圍住他大罵差人，「係咁鬧差人連老人家、細路都搞，冇人性㗎，街坊鬧兩句就成班衝過嚟打人，仲衰過日本仔」，他們之後將不滿發洩到當區建制派人士身上，「話建制派當區區議員冇出聲，仲叫街坊支持警察，好多街坊話因為佢撐警，全家一票唔畀建制」，該民主派地區人士相信，類似不滿只是冰山一角，「相信好多區有咁嘅情況，差人咁對付街坊，變相為建制區選倒米」。
另一專業人士稱，差人近日執法已嚴重影響市道，「有商界同我講，如果唔係藍店，即使有示威唔使擔心，但一聽有差人放催淚彈就擔心，因為佢哋冇分藍黃，𠵱家仲將催淚彈亂射，隨時射入商場同舖，有乜損失保險又因為暴動冇得賠，差人更加唔會負責」，該專業界人士稱，原本身邊商界朋友也支持止暴制亂，不滿民主派拒與示威者割席，但他們近日開始改變看法，「佢哋開始認為，差人執法過晒火位，本身有份製造混亂，影響埋佢哋生意，仲講乜止暴制亂？」
季陶
周一、三、五刊出