張繼聰、姜皓文和顏卓靈合演新戲《犯罪現場》，戲中不但要挑戰跟動物演對手戲，當中更槍戰連場。由於要以真槍拍攝，張繼聰跟顏卓靈戰戰兢兢，但張繼聰卻大讚有份演出的古天樂開槍似開水槍般輕易兼有型，還指一場槍戰戲跟古仔心有靈犀，令他印象深刻。
張繼聰、姜皓文和顏卓靈早前為《犯》片宣傳，三人飾演警察，古天樂則是珠寶店劫匪，姜皓文指很喜歡電影的題材：「因為好少返轉頭拍懸疑警匪片，唔係一味捉賊捉賊，槍戰飛車，有得畀觀眾估吓。」
害怕雞雀
戲中張繼聰與顏卓靈要跟動物做對手戲，行內人常說跟動物或小孩演戲最困難，因為是最難捉摸的object，張繼聰表示由細到大也害怕有爪的動物：「雞同雀我都怕，因為好多對手戲，導演一直同我講要同動物friend啲，拍嗰陣我問養鸚鵡嘅訓練員，點樣可以friend啲，原來要畀佢咬呀、夾呀、玩吓，第一次夾住都覺得幾痛。」
張繼聰笑謂動物有「演員道德」，身旁的顏卓靈也曾被鸚鵡抓至手部瘀黑：「佢真係好有演員道德，拍一場戲要三、四個take，佢好唔願意。」
槍戰連場
張繼聰和顏卓靈於戲中要拍開槍戲，甚為緊張，因為戲中全用真槍拍攝，張繼聰大讚古天樂開槍很有型，就像開水槍般輕易，但自己每次開槍都不斷狂眨眼：「古仔好離譜，好似開水槍咁，好多長鏡頭拍完一輪先開槍，所以嗰一槍一定係會眨眼， 我拍就係咁眨，古仔睇playback話我眨眼眨得好犀利。心中覺得好似睇小我，但睇住佢拍，佢開槍眼唔郁。」
其中一場跟古天樂夾好的開槍戲，張繼聰指大家心有靈犀：「夾好我伸個頭出嚟就射，點知第一次伸個頭出去，古仔冇射，我以為佢想我伸出啲，點知一伸佢就射，跟住我睇playback，我問古仔夾咗但點解唔同嘅？佢話梗係啦﹗咁先好睇。好深印象，第一次覺得可以同古仔心靈感應到，感應到佢叫我個頭隊出啲，拍完佢仲陰陰嘴笑望住我。」
撰文：王連連
攝影：陳慧安
場地提供：香港九龍貝爾特酒店