37歲嘅前捷克門將施治（小圖），上季喺阿仙奴退役，並重返車仔做技術顧問。不過，向來鍾意冰球嘅佢，早前加盟咗半職業冰球隊基爾福鳳凰，星期日「地標戰」出戰史雲頓野貓，兩隊法定時間賽和2:2，加時又互交白卷，要以罰球大戰決勝。結果，寶刀未老嘅施治救出兩球罰球，幫鳳凰以3:2勝出，仲當選埋最佳球員，成功轉型。