星期日國際友誼賽，智利作客0:0哥倫比亞一戰，今季被借往國際米蘭嘅智利前鋒阿歷斯山齊士喺下半場因傷退下火線。賽後嘅初步檢查指出，山神嘅左腳腳踝甩骹，並且可能傷及韌帶，據指山神或者需要開刀，最嚴重可能會缺陣長達兩個月，冇得喺今年內復出。家陣山神已經返咗去米蘭接受更詳盡嘅檢查，睇吓到底使唔使做手術。