星期日歐國盃外圍賽C組賽事，上輪輪空德國作客愛沙尼亞，而德國賽前就有效力哈化柏林嘅中堅歷卡斯史達克因傷被迫退隊。據德國嘅《圖片報》報道指出，史達克受傷係因為去廁所嗰陣俾枱角所刮傷，傷口頗大兼不停流血，因此隨即送院治療，並需要即場縫針處理傷口。翻查資料，呢位年僅24歲的中堅亦可以話係「黑仔王」一名。今年三月首次入選大國腳後，至今都未有為國家隊上陣過，同期嘅U21隊友RB萊比錫右閘高路斯達文，家陣係國家隊幾乎已經坐穩正選位置，但史達克入選後六場全部只列後備兼未曾上陣過。上星期友誼賽對阿根廷一戰，路維原本諗住畀史達克擔任正選，可惜呢位柏林中堅又因為腸胃問題未能上陣。今輪歐國外之前，更因撞親腳而被退隊，認真黑仔。