香港人經歷過2019的自由之夏，從此不再一樣，抗爭生活已變日常，有網民製作咗「真‧香港人一定看懂的十幅圖」，將6月同10月唔同社會環境同現象做比較，如果全部睇得明，就係百分百真‧香港人，但如果一幅都睇唔明，咁都係返大灣區生活比較適合！
八方當然係真‧香港人，所以做咗測試，老實講啲圖唔係全部一睇就明，但越睇越欷歔，例如6月時香港人仲會着唔同色衫，但到10月全黑black bloc已經係指定服裝；之前只戴普通口罩，現時已升級到防毒面具；6月初明明只係要求撤回惡法，但今日已變咗六大訴求，新增埋解散警隊，口號亦由「香港人加油」變成「香港人反抗」；「自殺」個案亦較6月時大增，交通工具選擇上，就已經冇咗黨鐵了。至於壓軸一幅，係777個鼻本來已變長，家陣就長到打蛇餅，即係佢呢幾個月又講咗數之不盡嘅大話囉。
十幅圖雖然想用輕鬆手法喚醒大家面對抗爭，但巴絲們唔太受落，有人留言話「內容農場級質素，笑唔出」，亦有人反建議去創意台而非新聞台開post。不過，按照不分化不割席不譴責原則，雖然唔完美，技術亦有待改善，但算係可以接受啦，手足們，大家繼續爬山啦！
李八方