胡美儀與邵音音昨日於西貢出席首個視障人士集體婚禮，美儀姐擔任嘉賓並在場獻唱，她說：「其實有啲已經係幾十年婚姻，有啲仲係50年金婚，16對新人會行禮，到時我希望佢哋會互相講對唔住同我愛你，會好有氣氛，其實講呢兩句說話係好重要。」
跟老公毛俊輝結婚15年，依然要甜蜜，美儀姐笑言兩公婆經常有肉麻表現，她說：「我會叫佢寶貝，佢時時都話我好肉麻，我就話男人鍾意嘛，佢哋都唔鍾意咁循規蹈矩嘅女人，唔好忘記要多啲身體接觸。」美儀姐又大讚老公浪漫，問到老公有做過對不起她的事嗎？美儀姐笑說：「佢唔敢，佢都浪漫嘅，會失驚無神送禮物，有一次佢講錯嘢，令到我唔開心，第二日佢就出去買咗束花畀我講對唔住。」
採訪、攝影：羅慧敏