現蘇超格拉斯哥流浪領隊、利物浦傳奇隊長謝拉特，喺上星期六重披紅軍戰衣，代表利記名宿約戰格流名宿。呢場波喺格流主場舉行，謝拉特嘅一班前紅軍隊友包括加歷查同古積特等都有份上陣，最終紅軍以3:2擊敗格流名宿。
今場名宿賽，謝拉特再次成為紅軍隊長，紅軍傳奇用咗17分鐘，靠路爾斯加西亞同貝加建功領先2:0。雖格流名宿喺25分鐘追近至1:2，但一分鐘後謝拉特交出助攻畀希斯基射成3:1。其後格流有盧雲卡蘭斯入波，紅軍名宿半場以3:2領先；及後謝拉特喺81分鐘被換離場，三分鐘後改着格流波衫上陣，首次倒戈母會，不過幫唔到格流追平，利物浦最終以3:2險勝格流。