賭王四房大女何超盈今年8月，為哈佛未婚夫辛奇隆生了女兒「荷包蛋」Audrey Rose，日前她的公司在澳門舉行活動未能現身，四太梁安琪在活動上透露女兒的婚禮有變動。超盈昨日回覆《蘋果》，指原定構思明年在葡萄牙舉行的古堡婚禮，將改為2021年6月在倫敦的大英博物館（The British Museum）舉行。超盈表示：「因為生完BB要忙湊女，又要pickup番之前好多project，加上生完後，醫生唔建議我咁快搭飛機頻撲，我哋又想等荷包蛋大個少少，做花女見證父母婚禮，商量完就決定改期，希望各方面都籌備得好啲。」
望留難忘回憶
超盈表示已決定不會在香港舉行婚宴，又指自己五年前已做了博物館的patron，有機會參與更加多文化項目，她說：「我想荷包蛋自小接觸到藝術呢樣嘢，我係同博物館傾緊一個教育項目，就諗起喺度搞婚禮就會有一個難忘嘅回憶，同埋英國係我中學讀書嘅地方，好多好朋友都喺呢個地方一齊長大，所以喺英國搞都方便到大家。」
採訪：唐如