《願榮光歸香港》（圖）成為香港反送中抗爭代表歌曲，仲喺多個網上音樂平台正式上架，不過早排《榮光》忽然被香港Apple Music下架，但其他地區嘅Apple Music就冇，令好多網民質疑係咪俾Apple「河蟹」，不過Apple早前否認係佢哋嘅問題，而《榮光》嘅創作團隊就話處理中，相信好快會再上架，結果日前香港Apple Music終於又再出現返呢首歌。其實好多網民見香港Apple Music唔見咗首歌，紛紛去未下架嘅台灣、日本iTune Store買咗《榮光》，怕即使香港再出現返，唔知幾時又會唔見。