【本報訊】政府上周強推蒙面法，有聲音質疑引用緊急法立蒙面法後，若發生意外，保險公司將不會賠償。香港保險專業人員總會會長張偉良指出，若受保人因觸犯蒙面法而被定罪，保險公司有機會不會賠償；途經示威區域而受傷的意外保險受保人，亦未必可獲賠償。
張偉良表示，蒙面法實施後，需證明受保人是否違反蒙面法，「要交由法庭定奪，警方同保險公司都無權話事」。他稱，若法庭已裁決受保人違反蒙面法，而該受保人在有罪的情況下受傷，「只要法庭判佢違反蒙面法，可能意外受傷，或意外撞到人，或者撞車，有機會保險公司唔會賠償。」他續稱，蒙面法暫時未有法庭案例，假如市民外出時戴口罩，「假如你落街，整親手腳、跣親等，呢啲咁嘅情況，我就睇唔到唔賠（償）」。
假定受保人知道驅散
不過，他指若市民有購買意外保險，又經過示威區域而受傷，「如果係用路人甲身份途經示威區，或者住喺嗰區落街，𠵱家大部份我了解嘅保險單，無論你以咩身份進入示威區或者示威範圍，或者惡劣情況，原則上未必可以獲得賠償」。他舉例，假設銅鑼灣有人示威，市民雖說只是經過而不是參與遊行集會，但誤被磚頭擲傷，「就算有冇蒙面，保險公司都有機會唔賠償，唔使法庭裁決，因為可能現場警方已作出警告或者驅散，但路人甲經過，又唔知道警方已作出勸告，保險公司都會假定受保人知道，咁危險都去，據我了解係冇得賠」。
至於人壽保險，他稱，即使蒙面法生效，受保人只要購買人壽保險兩年或以上，在任何情況下都獲賠償。勞工處昨也澄清，根據《僱員補償條例》，僱員若在受僱工作期間因工遭遇意外以致受傷或死亡，僱主在一般情況下須負起條例下的補償責任。
■記者譚靜雯