陳婉婷回想參加「校花校草大選」時，她表示當時已感受到haters的可怕：「都有人話我靚女，但有啲留言就話『佢個嘴好怪』、『個鼻肯定整過』、『呢啲都出嚟選』，我真係喊喎，點解要咁鬧我？我做錯乜？但𠵱家會睇得開，都係茶餘飯後，可能佢哋亂打，用幾秒去打呢個留言，唔使負責任，我做乜要咁上心。」
陳婉婷更即場「嗡」起鼻子展示鼻樑上的摺痕，她笑說：「我由細到大個鼻都係咁直，面同其他嘢越嚟越大，但鼻就冇大過。我上網睇過，如果整過就做唔到呢個動作。」陳婉婷更表示不介意演醜女、乞兒角色：「我有玩直播app，有啲fans開頭以為我係『綠茶婊』，即台灣用語扮晒嘢，自以為自己好靚，但識得我耐就知我份人其實好爽朗。」