陳婉婷憑嬌俏的古裝扮相，被網民封為「最索丫鬟」，可是卻被指太過「妹仔樣」難做女主角，慶幸她獲胞姊出言鼓勵，指范冰冰以前都曾演過丫鬟，所以她相信只要努力和把握機會，未必沒有出頭天。近日陳婉婷離開效力八年的無綫，大呻試過曾坐冷板凳半年，令她明白到：「做嘢唔辛苦，冇嘢做先係最辛苦。」
現年30歲的陳婉婷於2010年參選由雜誌舉辦的「校花校草大選」，獲封為「理大小甜甜」，翌年參加《TVB周刊》的CoverGirl選舉踩入娛樂圈，更被安排加入第25期藝訓班。入行八年的她最近決定離開無綫向外闖，她雖有感前路茫茫，但也想往外看世界，她日前接受《蘋果》專訪時說：「家人一直都好支持我，媽咪話你有地方住，唔使咁緊張，可以試吓。」
「做人要有骨氣」
出生草根家庭的陳婉婷，爸爸是「廚房佬」，媽媽做製衣，陳婉婷說：「廚師真係好捱得，由細到大，我見爹哋每朝5點起身返工，11點先返到屋企，佢哋係好捱得嘅一輩，所以教識我都要好捱得，做人要有骨氣同義氣。」陳婉婷入行後知名度不高要等機會，「等開工」或許已成為習慣，她從不介意角色無名無姓和戲份少，不過就試過半年坐冷板凳：「做嘢唔辛苦，冇嘢做先係最辛苦。」
陳婉婷捱了多年，最近於劇集《丫鬟大聯盟》首次有感情線，可惜該劇因黃心穎偷食事件致播出無期，陳婉婷說：「希望播得番啦，今次好開心，有感情戲，仲要15集，集集都有我。」陳婉婷的古裝扮相俏麗，在《宮心計2深宮計》中有一場宮婢沐浴的香艷鏡頭，獲劇迷激讚。問陳婉婷可介意被指「妹仔樣」，她眼濕濕說：「睇討論區都有人講，成個妹仔樣，點做女一？」陳婉婷屏息靜氣幾秒後表示不會放棄演戲：「家姐成日同我講，范冰冰以前都係做丫鬟，我最叻演怒同哀，我好快喊到，試過有場戲話我失戀跳橋，冇前冇後，一嚟就叫我喊，就會諗番自己經歷。」
擇偶要共患難
性格內斂的陳婉婷，圈中好朋友不算多，最相熟的竟是薛家燕、敖嘉年及高皓正等前輩，她說：「我入行第一部劇做家燕姐個女，敖嘉年就做我阿哥，感覺似一家人，工作上有乜煩惱都會搵佢哋傾。有時太耐冇嘢做，情緒難免低落，同輩未必教到你點做，反而前輩就會叫你唔使驚，應該把握時間去學嘢。」陳婉婷入行前曾與張彥博拍拖，二人再見亦是朋友：「以前細個唔識體諒，但𠵱家合作反而暢通無阻。」陳婉婷現在單身，胞姊已結婚生仔，父母未有給她壓力，她說：「以前阿媽會覺得23歲好結婚生仔，但𠵱家都放棄咗。我擇偶條件好簡單，可以共富貴同共患難，只要心地善良，就唔會花心同傷害你。」
撰文：嵐山
攝影：陳慧安