王宗堯早前被控刑毀及一項進入或逗留在立法會會議廳範圍罪，昨日在跑馬地警署報到，事後他表示只是簽名及留低聯絡方法就可離開。已交出旅遊證件的王宗堯，會否出席台灣金馬獎？他說：「如果有邀請函就可以申請。」
對於馬蹄露前晚在旺角用手機拍下黑衣人相而起衝突，王宗堯說：「每個人都有言論自由同政見自由，我唔會行去其他陣營去做挑釁嘅嘢。」提到林鄭月娥訂立《蒙面法》，王宗堯表示：「佢逢周末前就會做啲嘢令件事火上加油，呢個政權荒謬到令大家好憤怒。」王宗堯直言看到好多走到前線的小朋友被捕，感到很心痛。問到有甚麼說話跟前線小朋友講？他說：「我有主動聯繫母校，睇吓有冇嘢可以幫手，支持學生之餘，都要畀佢哋一個啱嘅方向同價值觀，我哋作為大人，除咗支持之外，仲要教下一代。」
採訪：黃曉妍
攝影：陳慧安