「紫荊之殤」樂團成員大多面對同一難題，就是因政見與家人爭執。就讀中二的廖同學（化名）說，「深藍」媽媽得知她參加樂團後怒吼。生於中產家庭的她是樂團的長笛好手之一，過去三個多月，她的家猶如另一個戰場，「爸爸係淺黃、公公係深黃、媽媽同婆婆係深藍」。
「香港冇前途 我哋點會有？」
廖同學說，當媽媽看見示威者破壞立法會及智慧燈柱時，不停說令她感到難受的話，「佢會話示威者咁樣破壞納稅人畀錢嘅設施，點解（警察）唔射死晒佢哋？」當得悉女兒參加「紫荊之殤」合唱團時，更破口大罵，稱她年紀尚幼，沒有判斷能力，「佢仲同我講澳門裝咗人臉辨識（系統），一畀人認到就無晒前途。」廖同學反駁：「如果呢度（香港）冇前途，我哋點會有前途？」媽媽就怒吼：「你係咪想激到我死，激到我跳樓自殺？」爸爸此時也勸她退出，免讓母親擔心。
媽媽無理取鬧加上爸爸「助攻」，廖最終選擇沉默，免令家人關係「僵上加僵」。她下定決心繼續參加樂團，「瞞得一日得一日」，「我係和理非，我上唔到前線，但我想盡自己最大能力（爭取五大訴求），我唔想成為嗰啲自私嘅人」。幸好還有外公支持，「佢同我講你想做就做，唔使理佢哋（母親及外婆），唔好畀自己後悔」。
■記者羅智堅