【本報訊】政府未能化解市民不滿，令示威活動遍地開花，除了平民咖啡店當災，富豪餐廳家全七福亦生意慘淡，發言人形容生意慘過沙士，上班族、遊客生意全失，平日市民無心消費，假日遇上示威又要拉閂，整體生意大插八成。
生意慘過沙士
家全七福的負責人薛小姐指，生意由7月開始轉差，「7月都無咁慘淡，少兩成生意左右，到9月得番兩成生意，有時星期六日直情唔開。」她形容現時如沙士時期一樣，「附近都有上班族，平日工繼續要返，但放工就返屋企，外賣多咗一兩單囉。啲人成日睇住個timetable邊度有示威，怕封路、危險，邊有心情食嘢。」她說有時甚至一枱客都無，「以前好多日本、韓國、泰國、內地遊客，現在都無晒。」
她指開源不成惟有節流，減少夥計開工，現時60多個員工中，有三個被迫裁掉，包括兩個洗碗員工，若情況持續，10月會開始要求員工每月放兩天無薪假。食材亦要預少一半，「無客但唔通成日閂咗道門咩，食材損耗梗係大，惟有食材樣樣預少啲，點心都唔做多，賣晒就算」。
酒樓無生意，員工士氣都很差，數分鐘訪問期間，她不停重覆「惟有」，雖然生意慘淡、非常無奈，但她全程開懷笑着回應，「唔係點呀？都要面對啦，放無薪假咪當多啲留喺屋企陪吓仔女，一定要正能量」。