林家棟監製的電影《殺出個黃昏》日前正式開拍，今次除了找來賈曉晨、李燦琛和何雁詩等年輕演員外，還邀請了謝賢（四哥）、馮寶寶（BoBo姐）和林雪等演出。雖然BoBo姐今年6月去曼谷旅行時遇到交通意外，鼻骨被撞歪，但經過一個月的休養後，她現已完全痊癒。
當日BoBo姐見到老拍檔謝賢後，隨即來個熱情擁抱，BoBo姐說：「我聽到係同四哥合作，即刻喺馬拉飛返嚟囉。」擔任男主角的四哥笑說：「Bobo喺我眼中永遠係一個小妹妹，等我幫佢帶返啲青春返嚟！其實我仲有一個任務，就係帶啲新人，家棟又話要我變，又唔畀我側起個頭，咪睇佢有咩把炮囉！今次同阿雪演對手戲，叫佢放我一馬啦！」林雪就表示相當輕鬆：「我都係嚟跟四哥同Bobo姐學嘢，不過今次好難得我有條感情線，希望畀觀眾睇吓乜叫大叔的浪漫！」
撰文：翁可人