人生七十古來稀，葉德嫻才首踏上台板，12月首度與蘇玉華、潘燦良及凌文龍合作舞台劇《親親麗南》，劇中她與阿蘇演鬥氣母女，既愛且恨，更出現暴力場面。Deanie姐直言一直有人邀演舞台劇，但她認為不合適，更搞笑說：「劇本都係其次，都要問吓自己得唔得，會唔會中途死咗。」與阿蘇演另類母女，Deanie姐透露事前做足功課：「我搵番本十年前睇過嘅書《誰說家長一定是好人》，作者點睇為人父母，衰媽媽並非就係衰，只係大家用唔同嘅教育方法，可能傷害到細路哥。今次演嘅媽媽好衰好自私，乖女遇着衰媽。」
問阿蘇會否覺得Deanie姐挑剔難搞？她說：「對我嚟講好合理，我哋應該學習。演員同運動員冇分別，你要將身體訓練得好好，才能駕馭角色，演27場係耐力賽，唔可以鬆懈。」