777搞嘅首場社區對話大龍鳳，一如所料佢本人就只係做人肉錄音機，回應唔只冇新意仲冇誠意，反而發言市民講嘅嘢仲有意思，唔少更加係爆seed級表現，例如其中一個間條衫男士，就狠批林鄭把持議會，以為只要夠票，就誰大誰惡誰正確，整個班子更係至今冇人問責下台，「連低過45度嘅鞠躬道歉都未見有」。
點知佢一輪嘴發炮仲未講完，仲燒埋去行會成員，更加點名批評「例如阿十一哥……阿湯家驊，佢自己係一個法律上好專業嘅人員，應該畀咗好多意見你，但佢去到6月15號，仲話社會接受錯誤訊息，一個咁冇政治意識嘅人，點解唔換咗佢？」十一哥呢個外號大家唔陌生，但咁公開講八方印象中都屬少見，究竟代表乜？當然唔係因為湯家驊曾經喺全港資深大狀中排第11啦，如果大家唔知，就去問google大神啦！