【本報訊】夢想FC退出港超聯，隊長陳偉豪的去向一直受到關注，他昨日確認曾與母會標準流浪接觸，但未達成共識，今季將轉戰甲組；另外，張健峰今季亦不會續戰港超聯，會專注教練工作。
37歲的陳偉豪原先與夢想FC續約，但最終選擇「自降」，陳偉豪與謝敏榮等無奈離隊，前者雖曾獲流浪接洽，惟最終未有成事，故告別職業球員生涯。他說：「同緊幾間甲組會傾，夢想都有機會嘅。本身踢夢想都諗住半職業咁踢，另外已有份工。同流浪傾過，錢唔係最大問題，但佢哋個方針，我唔係太想囉，喺足球生涯晚年，不如直接踢業餘啦。」他表示將作新嘗試，已有一份文職工作。
35歲前港腳張健峰亦告別職業足球，將全職教練工作，他說：「上季轉去元朗都知今季未必會繼續，我好享受元朗嘅時光。我明白現今足球，未必好多球隊左閘會用老將，我體力都未必可以不斷上落。」他表示，有數間港超球會曾與他接洽，但條件未達心中所想，故選擇掛靴。他暫時會續於東方龍獅青年隊任教練，料短期內會有新工作。
記者：禤家民