【本報訊】打工仔覺得易攰及經常提不起勁，除休息不足外，也可能與飲食習慣有關。註冊營養師梁曦允表示，夏天出汗較多，體內電解質流失及失去平衡，會令人有缺水情況，引致疲倦、頭痛問題，提醒成人每日要飲夠6至8杯水。
都市人工作忙碌，經常忙到無飲水，梁建議最好每天返到公司後，用水樽裝滿一大支水放辦公桌上，有助提醒定時飲水，又或在餐前、餐後各飲一杯水，或從手機下載有關飲水App作提醒。
梁又稱，若不吃早餐，身體缺乏能量啟動，會造成易攰、無精神等問題，建議都市人每天吃豐富早餐，例如吞拿魚或烚蛋，配合牛油果炮製麥包三文治，又可以燕麥、果仁、乳酪，配合士多啤梨或藍莓食用，也可將奶連同穀物條或穀物片，配合香蕉、無糖花生醬一起攪拌製成奶昔。
梁指咖啡以外，坊間都有其他提神飲品的選擇，例如清茶、花茶，其中紅茶的咖啡因含量，比一般咖啡少一半，一杯紅茶含有大約40毫克的咖啡因。上班族不妨飲薄荷茶，當中含有薄荷醇，可提升個人記憶力及工作效率，OL則可揀選花茶類如玫瑰花茶、洋甘菊茶等。
■記者梁麗兒
想輕輕鬆鬆健康啲，記住留意健康蘋台
http://health.appledaily.com.hk/