【今日遊行】
【本報訊】今日舉行的將軍澳反送中大遊行，發起人阿衡稱過去兩個月多名年輕人因事件被捕或受傷，即使面對政府殘暴不仁的打壓，香港人此時此刻亦不應「等死」，即使只有一百萬分之一的機會，都要一直堅持。他近日與街坊組成義工團隊，由組織遊行路線、向警方申請不反對通知書以至落區宣傳，均一手包辦，呼籲港人須站出來，勇敢為自己和下一代上街發聲。
記者：龔蕙芝 徐雲庭 周子惇
「如果我哋乜都唔做嘅話，我覺得對唔住自己，亦都對唔住我哋嘅下一代。」謙稱自己為平凡人的將軍澳街坊阿衡，今年45歲，正職為舞台管理，是過去遊行、六四集會的常客，以往會以參加者身份去表達對社會議題的關心，由參與者變成召集人的轉捩點，是看到年輕人的犧牲。
「雜牌軍」網上極速籌備
他育有一名就讀中四的女兒，與日前被控暴動罪的16歲少女年紀相若，「佢哋（學生）應該得到快樂嘅年代，（政府）好殘酷咁去咁樣對待佢哋，摧毀佢哋嘅人生」。加上被警察暴力及暴徒襲擊年輕人畫面弄得徹夜難眠，阿衡憶述電視畫面時多次哽咽停頓，並搖頭說：「差不多每個星期六、日都唔使旨意瞓……瞓唔到，真係瞓唔到。」
然而政府無視以死相諫、不理會逾200萬人民意、拒絕正視警察濫暴，阿衡指這種殘暴不仁的態度令港人開始醒覺，「我哋事實上係生存喺一個極權嘅國家入面，但唔代表我哋一定要喺度等死」。
他7月7日參加九龍大遊行後，忽然令他想「行多一步」，「開始諗會唔會各區都搞到遊行呢？」他先在facebook將軍澳區的群組發帖諮詢意見，引來同區網民踴躍討論，更極速與十多位素未謀面、毫無政黨背景的街坊組成「雜牌軍」籌組義工團。
短短一個月內，由網上動員、設計文宣、落區宣傳、物資預備、申請不反對通知書等，均由零開始，「第一次同警方開會，對方係起晒弶，唔想批，但之後我哋傾咗好耐路線，會盡量避免衝突，包括避開警署正門，再三強調係一個地區和平遊行」。最終遊行前三日獲警「開綠燈」。
而負責宣傳的阿樂本身任職上市公司會計師，他日前落區派傳單，屢遭藍絲指罵：「唔好阻住晒，唔好搞亂香港啦！」甚至報警驅趕他們，令他們一度只敢派男生落區，雖然吃力不討好，但他與其他義工，希望向同一目標進發，爭取街坊支持，每周四晚落將軍澳區派發傳單，昨日亦馬不停蹄與十多名義工盡最後努力，分別在將軍澳、坑口、調景嶺及寶琳站派傳單，爭取更多居民參與。
發起人寄語堅持長期鬥爭
阿衡留意到不同界別發聲，建制派內部不和，公務員匿名指摘特首和警方，甚至公開集會，令他感到各界團結，「越近遊行日子，越多市民支持」。阿衡寄語港人不要被無力感打敗，要珍惜每一次上街機會，「如果大家預咗呢件事係長期鬥爭嘅話，唔好將自己推去崩潰嘅邊緣，要注意返自己健康。我唔肯定到最後個變化係好嘅結局，定壞嘅結局，但係我覺得一定要堅持落去，唔可以當自己輸！」